【異物進眼】【有沙吹入眼睛】【挑選眼藥水】【陳卓琪眼科醫生】與藝人【邱芷微】(Chelffy)在【東周刊】【東周網】講解如何處理【異物進眼】以保護眼睛及如何挑選合適的【眼藥水】

【陳卓琪眼科專科醫生】

【眼科醫生陳卓琪】與新晉歌手【黃進林（Michael）】在【東周刊】【東周網】與大家拆解藍光迷思。藍光是波長較短能量較強的可見光。坊間指手機電腦等電子產品都會發出籃光，市面上因而有一系列防藍光產品，到底有關防藍光產品是否有效保護我們眼睛，快點擊影片了解!

【眼科醫生陳卓琪】與藝人邱芷微(Chelffy)在【東周刊】【東周網】講解遇到【強光射眼】及【激光射眼】時可能引致的【眼疾】，包括:

1. 【眼角膜】受損而留下疤痕
2. 晶體受損而引致【白內障】
3. 視網膜受損引致【視網膜穿洞】（網膜出現裂孔）及嚴重情況出現【視網膜脫落】
4. 【黃斑點】受損引致【黃斑點水腫】及影響中央視力

快點擊影片，了解遇到【強光射眼】及【激光射眼】時如何保護眼睛！

【陳卓琪眼科專科醫生】

【眼科醫生陳卓琪】與新晉歌手黃進林（Michael）在【東周刊】【東周網】與大家分享挑選太陽眼鏡小貼士，以防眼睛因長期接觸紫外光而引致白內障、黃斑點病變、角膜炎及胬肉等眼疾。快點擊影片，然後挑選一副型格黑超保護眼睛迎接夏日喇！

【陳卓琪眼科專科醫生】

【陳卓琪眼科醫生】在國際獅子總會中國港澳三0三區【銀綫灣獅子會】《健康，我話事之糖尿病遙拒攻略》嘉年華會2019為大眾進行義務【眼科檢查】並解答【糖尿病人要特別留意的眼疾問題】包括【黃班水腫】、【糖尿病視網膜病變】及【白內障】等。期間，【陳卓琪眼科醫生】與【高永文醫生】及【港姐謝寧】一起藉烹調適合糖尿病人食用的美食宣揚有關糖尿病的健康資訊。

• 

• 

陳卓琪眼科醫生在【RTHK】【香港電台】【日常8點半】(民生·旅遊)：第四十二集接受陳逸寧及伍家謙訪問與大家分享小朋友長期使用電子產品對眼睛健康構成的影響，特別是兒童【真近視】【假近視】的情況，以及小朋友驗眼及護眼貼士。相關訪問片段請查閱以下片段（7分30秒起）。

陳逸寧: 小朋友長時間睇電子屏幕對眼睛有什麼影響？陳卓琪眼科專科醫生: 長時間使用電子產品會令眼容易乾同埋攰，因為我地集中精神做嘢嘅時候，眼睛眨眼嘅次數會減少，另外長時間近距離使用電子產品，調節眼內晶體厚度嘅肌肉(即睫狀肌)會唔識得放鬆成日收緊，咁小朋友就會容易患上近視。

伍家謙: 比較常見嘅小朋友眼睛疾病有邊幾種呢?
陳卓琪眼科專科醫生: 好多家長帶小朋友黎睇眼科醫生，最常見係近視及其他屈光問題，比如散光同遠視等。小朋友眼乾眼澀眼痕都會嚟睇眼科醫生，眼痕的話可能係患上眼敏感(敏感性結膜炎)或者眼睫毛倒生，成日捽眼。

陳逸寧: 普遍嚟講幾大年齡嘅小朋友會來求醫，大部分求醫的原因是否也與長時間睇電子屏幕有關?
陳卓琪眼科專科醫生: 現在的確很多小朋友因為這個原因患上近視，香港來說有研究顯示6歲以上學童有13%已經患上近視，相對世界水平，算係數一數二。

伍家謙:聽講小朋友容易有【假近視】，什麼是【假近視】? 為什會有【假近視】呢?
陳卓琪眼科專科醫生: 先講真近視，真近視多數原因係眼球太長， 咁我哋睇嘢嘅時候光線就會透過晶狀體聚焦到視網膜前面而唔係視網膜上面，導致視像模糊。而【假近視】原因係我哋長時間睇嘢，睫狀肌唔識得放鬆並處於一個緊張狀態，唔識得變焦，導致睇嘢模糊不清。當小朋友來求醫，眼科醫生就會先讓小朋友滴眼藥水放鬆瞳孔，然後再進行屈光檢查，睇下有冇近視、遠視同散光，並量度出真嘅近視度數。

陳逸寧: 咁【假近視】會否演變成真近視呢?
陳卓琪眼科專科醫生: 【假近視】度數比真近視深好多，如果唔用真嘅度數來配眼鏡，【假近視】度數眼鏡戴得多，變咗肌肉唔識得放鬆，就會弄假成真，近視嘅度數就會越嚟越深。

伍家謙: 小朋友出現咩徵狀我哋要帶佢睇眼科醫生呢?
陳卓琪眼科專科醫生: 若小朋友睇野矇或者佢上堂時老師留意到佢睇野矇豬眼咁睇就應該帶佢睇眼科醫生，睇下有冇屈光問題或者其他眼疾，成日捽眼都要帶佢去睇眼科醫生，因為有時可能唔係小朋友壞習慣，可能係佢眼痕眼敏感，經眼科醫生診症之後需要配眼藥水止痕。

伍家謙: 眼睛係靈魂之窗，極為重要，可否分享護眼小貼士呢?
陳卓琪眼科專科醫生: 最重要係戶外活動，外國已經有研究顯示每星期14小時嘅戶外活動可以令我哋多點望遠嘢，同埋身體會分泌某種荷爾蒙從而減輕近視加深，另外我哋閱讀時要有良好習慣，譬如充足嘅光線，字體嘅大細要適中，同埋要有適當嘅距離，當然充足休息同睡眠亦都十分重要。

【眼科醫生陳卓琪】與藝人邱芷微(Chelffy)在【東周刊】【東周網】講解【黃斑點病變】。

問：什麼是黃斑點? 為什麼黃班點這麼重要呢?

黃斑點是視網膜中間的位置，有很多感光細胞，萬一黃斑點出現病變的話 ，就會嚴重影響中央視力。

問：那些人會容易患上黃斑點病變呢?

其實除了老年黃斑點病變外，其他成年人或任何年齡層的人都有機會患上黃斑病變的。例如一些深近視的人士，有機會出現黃斑點出血的情況。而糖尿上眼的人，如果糖尿控制得不好，也會引致黃斑點水腫影響中央視力。

問：怎樣預防黃斑點病變呢?

如果是糖尿病病人當然需要好好控製糖尿，預防老年黃斑點退化的話，就希望病人盡量不要吸煙或者出外時盡量帶太陽眼鏡阻擋紫外光。

問：患上黃斑病變應如何治療?

如果真的確診患上黃斑點病變的話，最新的治療方案包括在眼球注射藥物，藥物名稱為抗血管內皮生長因子，另外也可以注射其他藥物，例如是類固醇或者做激光，稱作光動力療法，就是在手的血管內注射光敏劑，然後在眼部射激光，希望能夠控制病情。

問：整個過程需要麻醉嗎?

整個過程病人是清醒的，我們只會用一些止痛的麻醉藥水，不需要全身麻醉的。